Friday, 9 December 2011

JOM BERINUT

Sapa yang pernah merasai digigit ikan?
mun alum pernah, cua tah ke Tagal..
mun kan tahu di mana Tagal, cua klik sini

aku tahun ani jua ku pigi, tp nda ku ingat sudah bila..
makin lampuh lauk2 sana atu eh..
kan besar lengan bah basarnya..
biani basar2 tapak tangannya nganya saiznya..
malar makan pakah..ari2 di bagi makan roti..apa nda lampuh jadinya..

baupa banar pesen ku ni prasaan ku..
mun kan bestyle k-pop kang, lain jua pesennya tu..

 
ahh..sandi ni ah..di tabing nganya ku ne..
nda ku ulah ke dalam lagi..
gali nyamu di gigit ikan ani..
lain rasanya mun lauk ani makan batis ku..
besa, kita yang makan lauk..
basar2 lagi tu cam kelaparan hantap kan menggigit batis lauk atu..
besiut2 lagi bunyinya tu..
eh, sandi..

mun yang berendam satu badan atu lagi sandi..
merah badan kena gigit..
imagine nganya lauk basar lengan yang kelaparan pesennya menggigit arah tubuh kamu..
mun kan ke tagal ani, nda payah tah kan merasa yang berendam satu badan atu..
cua dulu kamu test yang menggigit batis nganya..
mun siok rasanya..
baru tah mentry yang satu badan lagi..

  
ia ni, mun kamu ke sana, ikut giliran tu mun kan turun ke sungai..
sejam nganya tu sekali masuk..
mun kan membeli roti2 ka pun bulih jua..
kan membari ikan makan..
ada tu bejual di kaunternya sana..

 
tangan pun kan di makannya bah lauk ani..
sandi rangkanya ne..
nda cukup batis, kan tangan lagi..
tempat ani di buka setiap hari..
bayaran masuk :
budak2 bawah 18 tahun = RM 2.00
budak2 atas 18 tahun = RM5.00
berendam satu badan = RM10.00

di kaunternya tu ada tu bejual sambal..
sambal apa lupa sudah ku..
tapi nyaman rasanya, masam2 dikit..
bukan tuhau..
baik tah cua membali sebuting,,
di sana nganya sambal tu ada..
sebab ia dibuat dari buah hutan bahagian sana..

0 comments: